ჰოლივუდის მსახიობმა ბრედ პიტმა ანჯელინა ჯოლისთან განშორების გამო გადაწყვიტა ერთი წლით სექსზე უარი თქვას. ის აპირებს მეტი ყურადღება დაუთმოს სხეულის გაჯანსაღებას, ვარჯიშსა და მედიტაციას, რათა განქორწინებასთან დაკავშირებული სტრესი გადაიტანოს. ამის შესახებ The Sun- ი წერს.

გამოცემის წყაროს ცნობით, 54 წლის მსახიობი სწორად იკვებება და სპირტიან სასმელს არ სვამს. „მას ურთიერთობები თავისი ზრდასრული ასაკის განმავლობაში მუდმივად ჰქონდა. ახლა ის მარტოა და აკეთებს იმას, რისი გაკეთებაც ადრე არ შეეძლო“, - განუცხადა წყარომ გამოცემას.

ვარსკვლავური წყვილის განშორების მიზეზი კერძო თვითმფრინავში ჩხუბი გახდა, რომლის დროსაც ნასვამმა პიტმა ერთ-ერთ შვილს დაარტყა.  

2016 წლის სექტემბერში ჯოლიმ განქორწინების შესახებ სასამართლოში განცხადება შეიტანა.

მსახიობი შვილების ერთპიროვნულ მეურვეობას მოითხოვდა. თუმცა პიტი  ამის წინააღმდეგია და ბავშვებზე თანაბარ მეურვეობას ითხოვს. პიტსა და ჯოლის 6 შვილი ჰყავს - სამი აყვანილი და სამი ბიოლოგიური.

ანჯელინა ჯოლიმ და ბრედ პიტმა ურთიერთობა ოფიციალურად 2014 წლის 23 აგვისტოს დაარეგისტრირეს. მათი რომანი 2005 წელს ფილმ „მისტერ და მისის სმიტების“ გადაღების დროს დაიწყო.

მანამდე ბრედ პიტი მსახიობ ჯენიფერ ენისტონზე იყო დაქორწინებული.