ჩინეთის სიჩუანის პროვინციაში ბატაიშანის პარკში ქვეყანაში ყველაზე მაღალი შუშის საფეხმავლო ხიდი გაიხსნა. ნაგებობა ზღვის დონიდან 1980 მეტრის სიმაღლეზე მდებარეობს.

მედიის ცნობით, ხიდი სუსტი ნერვების მქონე ადამიანებისთვის არ არის განკუთვნილი. ხიდის გამჭვირვალე იატაკიდან 186 მეტრის სიღრმის უფსკრულის ხედი იშლება, რაც 66-სართულიანი ცათამბჯენის სიმაღლეს შეესაბამება.

 ხიდის სიგრძე 198 მეტრს შეადგენს. სიგანე კი 2,5 მეტრს. პროექტის საერთო ღირებულებამ ერთნახევარი მლნ დოლარი შეადგინა.

ხიდის კონსტრუქცია ორი ათასი ადამიანის წონას უძლებს. თუმცა უსაფრთხოების თვალსაზრისით ხიდზე ერთროულად 500 მნახველს უშვებენ.