კიმ ბესინჯერისა და ალეკ ბოლდუინის 22 წლის ქალიშვილი აირლენდი ორგანიზაცია PETA-ს საზოგადოებრივი რეკლამის ფარგლებში გაშიშვლდა. აქცია მიმართულია ცხოველების დასაცავად, რომელთა ტყავიც ქურქებისა და სხვა სამოსის შესაქმნელად გამოიყენება.

ფოტოზე გოგონა სრულიად შიშველია და მოხდენილი სხეულის დემონსტრირებას ახდენს. პიკანტური ადგილები დაფარულია ორგანიზაციის სლოგანებით: „ჯობს შიშველმა ვიარო, ვიდრე ბეწვი ვატარო“. ფოტოზე ასევე კარგად ჩანს აირლენდ ბოლდუინის უამრავი სვირინგი.

ვარსკვლავური წყვილის ქალიშვილი ცნობილი fashion-მოდელია. ის მხოლოდ თავისი ფოტოსესიებით არ არის ცნობილი. აირლენდი ვეგეტარიანელი და აქტივისტია.

სოციალურ ქსელში თავისი პუბლიკაციებით აირლენდი ცდილობს ცხოვრების მსგავსი წესით სხვებიც დააინტერესოს.

 „თუ არ იცით, როგორ ქმნიან ბეწვეულის ნივთებს, გაგარკვევთ. წარმოიდგინეთ, რომ თქვენს ძაღლს ტყავი გააძრეთ, რათა მისგან ტანსაცმელი დაამზადოთ. ბეწვი- ეს სისასტიკეა, ნებისმიერ შემთხვევაში“, -წერს აირლენდი სოციალურ ქსელში.