მსგავსი წინადადებით გამოვიდა სარა ჯესიკა პარკერი. მას მხარი უკვე დაუჭირა სამანტას როლის შემსრულებელმა კიმ კეტროლმა.

გასული წლის შემოდგომაზე მედიაში ერთ-ერთი ფართოდ განხილვადი თემა ფილმის მესამე ნაწილის გადაღების ჩაშლა გახდა.

ყველაფერი სარა ჯესიკა პარკერის განცხადებით დაიწყო. მან Daily Mail-თან ინტერვიუში აღნიშნა, რომ სამანტა ჯონსის როლის შემსრულებლის კიმ კეტროლის გამო ფილმზე მუშაობა შეჩერდა.

ზოგიერთი მონაცამით, კეტროლმა კინოსტუდიას პირობა წაუყენა: ის მზად იყო „სექსი დიდ ქალაქში-3“ -ის გადაღებებში მონაწილეობისთვის, თუ Warner Bros-ი მისი სხვა პროქტებითაც დაკავდებოდა.

ამ ისტორიის შესახებ ყველამ დაივიწყა, როდესაც სარა ჯესიკა პარკერმა ელენ დეჯენერესს სამანტას როლი ხუმრობით შესთავაზა.

კიმ კეტროლის რეაქციამაც არ დააყოვნა. მსახიობმა აღნიშნა, რომ წინააღმდეგ არ წავიდოდა. „ის განუმეორებელი იქნებოდა“,- დაწერა კიმმა სოციალურ ქსელში. ის, თუ რას ფიქრობს თავად დეჯენერესი, უცნობია.

საკულტო სერიალის „სექსი დიდ ქალაქში“ ექვსი სეზონი 1998-2004 წლებში გადიოდა. პროექტში ასევე მონაწილეობდნენ კრისტინ დევისი და სინტია ნიქსონი. მოგვიანებით ორი სრულმეტრაჟიანი ფილმიც გადაიღეს ამავე მსახიობების მონაწილეობით.