ცოტა ხნის წინ მსახიობმა კიანუ რივზმა Facebook-ის გვერდზე თაყვანისმცემლებისადმი მიმართვა გამოაქვეყნა. ამ პოსტს დიდი გამოხმაურება მოყვა, ასობით ათასი მოწონება და ამდენივე გაზიარება დიამსახურა.

„ხედავთ ადამიანებს ჩემს უკან? ისინი გარბიან სამსახურებში, არ აქცევენ არავის ყურადღებას. ხანდახან ყოველდღიური რუტინა იმდენად გვითრევს, რომ გვავიწყდება გავჩერდეთ ერთი წუთით მაინც, რათა დავტკბეთ ცხოვრების მშვენიერებით.

გაახილეთ თვალები და გამოიღეთ ყურსასმენები ყურებიდან. მიესალმეთ გამვლელს და ჩაეხუტეთ მას, ვინც ცუდად არის. შესთავაზეთ ვინმეს თქვენი დახმარება. გაატარეთ თითოეული დღე ისე, თითქოს ის ბოლო იყოს.

ცოტამ თუ იცის, რომ რამდენიმე წლის წინ საშინელ დეპრესიაში ვიყავი. ამის შესახებ არავისთვის მითქვამს. მე თავად უნდა მეპოვა ძალა მასთან საბრძოლველად. და მივხვდი: ადამიანი, რომელიც არ მაძლევდა უფლებას ბედნიერი ვყოფილიყავი, - ეს თავად მე ვარ.

ჩვენს მიერ გატარებული ყოველი დღე შეუფასებელია. მოდით, შესაბამისად მოვეკიდოთ ამ ფაქტს. არ არის გარანტიები, რომ ხვალინდელი დღე დადგება, ამიტომ დაიწყეთ ცხოვრება დღეს!

ვიმედოვნებ, გაიზიარებთ ამ პოსტს, რათა ამ სადღესასწაულო დღეებში უფრო მეტი სიყვარული იყოს! გემშვიდობებით“, - წერს კიანუ რივზი.