აშშ-ის პრეზიდენტი ბარაკ ობამა მიიჩნევს, რომ რუსეთმა უნდა გადაწყვიტოს კვლავ სირიის პრეზიდენტ ბაშარ ასადს დაუჭერს მხარს თუ ”სირიის სახელმწიფოს გადარჩენას”. როგორც Associated Press-ი აღნიშნავს, ობამას აზრით, სირიის სახელმწიფობრიობის გადარჩენა მხოლოდ მთავრობის ფორმირებით შეიძლება.

ამერიკის პრეზიდენტმა აზიისა და წყნარი ოკეანის ეკონომიკური თანამშროლობის სამიტზე კანადის პრემიერ-მინისტრთან ჯასტინ ტრიუდოსთან მოლაპარაკებისას განაცხადა, რომ ვერ წარმოუდგენია როგორ შეიძლება დამთავრდეს სირიის სამოქალაქო ომი, მაშინ როდესაც ხელისუფლების სათავშე ასადი იმყოფება.

ობამას მაიჩნია, რომ ასადი უკვე ვეღარ შეძლებს ქვეყანაში თავისი ხელისუფლების ლეგიტიმაციას. მისი თქმით, ყველა დიპლომატიური ნაბიჯი სირიის პოლიტიკური კურსის ცვლილებისა და ხელისუფლების გადაცემის უზრუნველყოფისაკენ არის მიმართული.

კრემლი თავის მხრივ აცხადებს, რომ მოქმედი პრეზიდენტის გადაყენება არ შეიძლება უკავშირდებოდეს ქვეყანაში ცეცხლის შეწყვეტის პროცესს.