მსახიობ გიორგი მახარაძეს ავთვისებიანი სიმსივნე დაუდგინეს, ამის შესახებ ინფორმაციას სოციალურ ქსელში გიორგის მეგობარი, რეჟისორი მარიამ ქაცარავა ავრცელებს:

,,მეგობრებო ვწუხვარ რომ ასეთი ინფორმაციის დაწერა მიწევს!!! მსახიობს გიორგი მახარაძეს სამწუხაროდ დაუდგინდა ავთვისებიანი სიმსივნე, რომლის მკურნალობის ხარჯებს ოჯახი თავისი სახსრებით ვერ გასწვდება.

ძალიან გთხოვთ, მას ახლა, ისე, როგორც არასდროს სჭირდება ჩვენი დახმარება და გვერდში დგომა, რომ დაამარცხოს ვერაგი დაავადება და ცხოვრების ჩვეულ რეჟიმს დაუბრუნდეს. განცხადებას დავურთავთ ყველა საჭირო ინფორმაციას, რომელიც თანხის გადარიცხვისთვის დაგჭირდებათ. უღრმესი მადლობა თითოეულს და კიდევ ერთხელ ბოდიშს ვიხდით.

599070709 თეონა ჩივაძე (გიორგის დედა)" დიდი მადლობა ყველას...'', - წერს მარიამი. 

დახმარების მსურველებს შეუძლიათ თანხა გადარიცხონ ,,თიბისი" ბანკის ანგარიშზე: GE16TB7747845061100065

მიმღები: თეონა ჩივაძე

გიორგი მახარაძე მარჯანიშვილის თეატრის მსახიობია. მსახიობს რამდენიმე სერიალში აქვს მონაწილეობა მიღებული.  განსაკუთრებული პოპულარობა მას სერიალმა ,,ტიფლისმა" და ,,ჩემი ცოლის დაქალებმა" მოუტანა. გიორგი მახარაძეს პირველი ქორწინებიდან ერთი შვილი ჰყავს. ის მომღერალ მარიამ როინიშვილზე იყო დაქორწინებული.