აშშ-ის სახელმწიფო მდივანი ჯონ კერი გვიან ღამით პარიზში ჩავიდა. საფრანგეთში ამერიკის საელჩოში გამოსვლისას კერიმ ფრანგ ხალხს მხარდაჭერა კიდევ ერთხელ გამოუცხადა.

”ჩვენ დავამარცხებთ ”ისლამურ სახელმწიფოს” და ყველას, ვინც იზიარებს მათ ამაზრზენ იდეოლოგიას და გავაგრძელებთ მათ დახმარებას, ვინც გაურბის ძალადობას, რომელსაც ტერორისტები სჩადიან”,- აღნიშნა კერიმ.

სახელმწიფო მდივნის განცხადებით, პარიზის მოვლენები გავლენას ვერ მოახდენენ ამერიკის წარმომადგენლობის გეგმებზე, რომლებიც ნოემბრის ბოლოს პარიზის გლობალური დათბობის სამიტზე დასწრებას აპირებენ.

”ჩვენ არ შეცვლით ჩვენს კურსს, არ გადავდებთ გეგმებს. ეს ეხება სამიტსაც, ჩვენ დავესწრებით ნოემბრის ბოლოს პარიზში გაეროს კლიმატის ცვლილებებთან დაკავშირებულ კონფერენცის”, -განაცხადა კერიმ და აღნიშნა, რომ სამიტში მონაწილეობას მიიღებს აშშ-ის პრეზიდენტი ბარაკ ობამა.

სამშაბათს დაგეგმილია შეხვედრები საფრანგეთის პრეზიდენტთან ფრანსუა ოლანდთან და საგარეო საქმეთა მინისტრთან ლორან ფაბიუსთან. მედიის ინფორმაციით, უსაფრთხოებიდან გამომდინარე კერი იმ ადგილებს არ მოინახულებს, სადაც ტერაქტები განხორციელდა.