17 ნოემბერს, ევროკომისიის წარმომადგენლობა საქართველოში და გერმანიის საერთაშორისო თანამშრომლობის საზოგადოების (GIZ) პროგრამა „საჯარო ფინანსების მართვა სამხრეთ კავკასიაში“ მართავენ ერთობლივ კონფერენციას თემაზე „საპარლამენტო და გარე საფინანსო ზედამხედველობა საქართველოში“.

კონფერენციაზე განხილულ იქნება: საქართველოს პარლამენტის საბიუჯეტო კონტროლის გაძლიერების საკითხები და მექანიზმები; სახელმწიფო აუდიტის სამსახურის ინსტიტუციონალური დამოუკიდებლობის უზრუნველყოფის საკონსტიტუციო ჩარჩოები, ევროკომისიისთვის წარდგენილი სახელმწიფო აუდიტის სამსახურის პოლიტიკის დოკუმენტი და სხვა მნიშვნელოვანი საკითხები.

კონფერენციაში მონაწილოებას მიიღებენ ევროკომისიის დელეგაციის, ევროკავშირის თვინინგის პროექტის „სახელმწიფო აუდიტის სამსახურის ინსტიტუციონალური გაძლიერება“, საქართველოს პარლამენტის, საქართველოს ფინანსთა სამინისტროს, სხვადასხვა დარგობრივი სამინისტროებისა და სახელმწიფო აუდიტის სამსახურის წარმომადგენლები, ასევე, გერმანიის ფედერალური აუდიტის სამსახურის წევრი, დოქ. მათიას მერინგი.

კონფერენცია 17 ნოემბერს, 10:00 საათზე სასტუმრო „ქორთიარდ მარიოტში“ გაიმართება.