ანჯელინა ჯოლი და ბრედ პიტი როგორც ჩანს განქორწინების შემდეგ უკვე გონს მოვიდნენ. ინსაიდერების მტკიცებით, ბრედმა სიმშვიდე ახალგაზრდა მსახიობის ელა პერნელის მკლავებში იპოვა, მისი ყოფილი ცოლი კი პაემანზე მამაკაცს შეხვდა.

პაპარაცებმა მსახიობი უცნობ, ჭაღარათმიან მამაკაცთან ერთად გადაიღეს, როდესაც ანჯელინა მასთან ერთად ლოს-ანჯელესის რესტორან Umeda Sushi-ს ტოვებდა.

ანჯელინა მამაკაცს ეხუტებოდა, გამუდმებით იღიმოდა და გამომშვიდობებისას თავის თანამგზავრს აკოცა კიდეც.

შეგახსენებთ, მსახიობი ბრედ პიტს გასულ წელს გაშორდა. ჟურნალ People-სთვის მიცემულ ინტერვიუში ჯოლი ამბობს, რომ თავი მთლიანად შვილებს მიუძღვნა.

 „ყველას აქვს რთული დღეები, მაგრამ თუ დედა ხარ, პირველ რიგში შვილების წინაშე გაქვს პასუხისმგებლობა. ჩემი შვილები ახლა გარდატეხის ასაკში არიან და მათ ვჭირდები. ყველაფერი დანარჩენი ჩემთვის მეორეხარისხოვანია“, -ამბობდა ანჯელინა.