ზამთრის თვეებში, ეგვიპტის სასტუმროებში ჯავშანთა რაოდენობა შემცირდა, რაც თავის მხრივ რიგი ქვეყნების მიერ ფრენების გაუქმებას უკავშირდება. შესაბამისად ზარალი ამ პერიოდისთვის უკე 500 მლნ დოლარს აღწევს. ეგვიპტის ტურისტულ პალატაში განმარტავენ, რომ ეგვიპტის მიმართულებით ფრენები უკვე შეაჩერეს რუსეთმა, დიდმა ბრიტანეთმა, ჰოლანდიამ, ირლანდიამ და საფრანგეთმა.

„თუ კი საკითხი დროულად 4-5 დღის განმავლობაში არ დარეგულირდება, მაშინ ქვეყანა წლის განმავლობაში 2 მლრდ დოლარს დაკარგავს“, აცხადებენ ეგვიპტის ტურიზმის პალატაში.

2015 წელს ტურიზმიდან ეგვიპტის მთავრობა 7,5-8 მლრდ დოლარის შემოსავალს პროგნოზირებდა, თუმცა რა მაჩვენებლებით დასრულდება წელი დღეს უკვე ამის პროგნოზირება ძნელია. ეგვიპტეში ყველაზე მეტი ტურისტი რუსეთიდან, დიდი ბრიტანეთიდან და გერმანიიდან ჩადიოდა.