კატალონიის პარლამენტმა ესპანეთისგან გამოყოფას კენჭი უყარა. Reuters-ის ინფორმაციით, ესპანეთის ცენტრალური ხელისუფლება ამ ინიციატივის დაბლოკვას აპირებს.

დამოუკიდებლობის დეკლარაციას პარალამენტარების უმეტესოებამ მხარი დაუჭირა. დეკლარაცია ადგენს წელიწადნახევრიან ვადას, რომლის განმავლობაშიც რეგიონმა თავისუფლება უნდა მიიღოს. ესპანეთის პრემიერმა სასამართლოში კატალონიის მთავრობის რეზოლუციის გასაჩივრების პირობა დადო.

მადრიდი კატალონიას ავტონომიის გაუქმებით ემუქრება, თუ რეგიონის ხელისუფლება დამოუკიდებლობისთვის ბრძოლას არ შეწყვეტს.

27 სექტემბერს კატალონიელების 40-მა პროცენტმა ადგილობრივი პარლამენტის არჩევნებში ხმა მისცა დამოუკიდებლობის მომხრეებს. კატალონიაში ეს არჩვენები ”დამოუკიდებლობის ფაქტობრივ რეფერუნდუმად” აღიარეს.

2014 წლის ნოემბერში კატალონიაში რეფერუნდუმის ჩასატარებლად რეგიონის ხელისუფლებამ ესპანეთის პარლამენტს მიმართა, თუმცა მადრიდმა პლებისციტის გამართვას მხარი არ დაუჭირა. ამის მიუხედავად კატალონიის პრეზიდენტმა არტურ მასმა რეფერუნდმის გამართვის შესახებ მაინც განაცხადა. არაოფიციალურ პლებისციტში კატალონიელების 80-მა პროცენტმა ხმა დამოუკიდებლობას მისცა.

მადრიდმა რეფერენდუმი უკანონოდ გამოაცხადა და მასი სახელმწიფო ხარჯების არამიზნობრივ ხარჯვაში და სამსახურეობრივი უფლებამოსილების ბოროტად გამოყენებაში დაადანაშაულა.