მიჩიგანელი გლენა დარემი თავისი ქმრის მარტინის მკვლელობაში დამნაშავედ ცნეს.

გარდაცვლილის ნათესავები დარწმუნებულნი არიან, რომ თუთიყუშმა, რომელიც წყვილის სახლში ცხოვრობდა, მსხვერპლის უკანასკნელი სიტყვები დაიმახსოვრა.

გამოძიების ინფორმაციით, 47 წლის გლენამ ქმარს ხუთი ტყვია ესროლა, რის შემდეგაც თავის მოკვლა სცადა.

თუთიყუში ჟაკო სახელად ბადი თავისი ყოფილი პატრონის უკანასკნელ სიტყვას „არ მესროლო“ იმეორებდა, რასაც უცენზურო გამონათქვამებიც ახლდა.

სასამართლო პროცესს თუთიყუში არ ესწრებოდა. ბრალდებულს განაჩენს აგვისტოში გამოუტანენ.

ბრალდება თავადაპირველად განიხლავდა თუთიყუშის მიერ გამოცემული ბგერების არგუმენტად გამოყენების შესაძლებლობას, თუმცა შემდეგ ეს იდეა უარყვეს.

გლენამ ქმრის მოკვლის შემდეგ ცეცხლსასროლი ჭრილობა თავის არეში მიიყენა, რომელიც მისთვის სასიკვდილო არ აღმოჩნდა.

მარტინის მშობლების თქმით, თუთიყუში ადამიანის მიერ წარმოთქმული სიტყვების გამეორების შანსს ხელიდან არასდროს უშვებდა.

 „ვფიქრობ, ის იქ იყო, დაიმახსოვრა, რაც იქ ითქვა და შემდეგ გამუდმებით იმეორებდა“, - განაცხადა მოკლულის მამამ.

ჟაკო - ნაცრისფერი თუთიყუში დასავლეთ აფრიკაში ბინადრობს და ძალიან პოპულარულია თუთიყუშების მოყვარულთა შორის, ის გამოირჩევა ხმის მიბაძვის იშვიათი ნიჭით და 1500-ზე მეტი სიტყვის დამახსოვრება შეუძლია.