მოსულის გათავისუფლების ოპერაციის დროს 40-ზე მეტი მშვიდობიანი მცხოვრები დაიღუპა
40 ათასზე მეტი მშვიდობიანი მცხოვრები დაიღუპა ერაყის ქალაქ მოსულის გათავისუფლების ოპერაციის დროს. ამის შესახებ გაზეთი Independent-ი ქურთულ დაზვერვაზე დაყრდნობით წერს.
აღნიშნულია, რომ ქალაქის მცხოვრებლები „ისლამური სახელმწიფოს“ მებრძოლებს, ერაყის არმიას და ავიაიერიშებს ემსხვერპლნენ. ერაყის ხელისუფლების წარმომადგენელთა თქმით, გარდაცვლილთა ცხედრები ჯერ კიდევ ქალაქის ნანგრევების ქვეშ არის დარჩენილი.
„ისლამური სახელმწიფოს“ მებრძოლებისგან ქალაქის გათავისუფლების ოპერაცია გასული წლის ოქტომბერში დაიწყო.
გასულ კვირას ერაყის პრემიერ-მინისტრმა ჰაიდერ ალ-აბადიმ მოსულში „ისლამურ სახელმწიფოზე“ გამარჯვება ოფიციალურად გამოაცხადა. ქალაქს მებრძოლები სამი წლის განმავლობაში აკონტროლებდნენ.
