კანადაში 45 ათასზე მეტი ადამიანი ტყის მასივებში გაჩენილი ხანძრის გამო იძულებული გახდა საცხოვრებელი სახლები დაეტოვებინა. ამის შესახებ ტელეარხი CBC-ი ადგილობრივ ხელისუფლებაზე დაყრდნობით იუწყება.

ბრიტანული კოლუმბიის პროვინციაში ტყის მასივები უკვე რამდენიმე დღეა იწვის.

ტელეარხის ინფორმაციით, რეკორდული ევაკუაცია 2003 წელს დაფიქსირდა, როდესაც ტყის ხანძრის გამო საცხოვრებელი სახლები 50 ათასმა ადამიანმა დატოვა.

ხანძრის ჩაქრობის ოპერაციაში 2900 ადამიანი  და 203 ვერტმფრენი მონაწილეობს.

რამდენიმე დღის წინ ერთმა ვერტმფრენმა ჩილკოტინის რაიონში კატასტროფა განიცადა. პილოტი გადარჩა, მისი მდგომარეობა სტაბილურია.

ბრიტანული კოლუმბიის ხელისუფლებამ ტყის ხანძართან ბრძოლაში უკვე რამდენიმე ათეული მლნ დოლარი დახარჯა.