იაპონიის გარემოს დაცვის სამინისტროს ინფორმაციით, ტოკიოს პორტში შესულ კონტეინერში 100-ზე მეტი წითელი ცეცხლოვანი ჭიანჭველა აღმოაჩინეს, რომელიც მსოფლიოში ერთ-ერთ ყველაზე საშიშ მწერად მიიჩნევა.

ადგილობრივი მედიის ცნობით, ჭიანჭველები ადგილზევე გაანადგურეს.

ინფორმაცია იმის შესახებ თუ საიდან და როდის შევიდა ტოკიოს პორტში ტვირთი საშიშ მწერებთან ერთად ჯერჯერობით არ არის ცნობილი.

წითელი ცეცხლოვანი ჭიანჭველის ნაკბენის შემდეგ ადამიანს კანი უწითლდება, უშუპდება და ბუშტუკები უჩნდება.

ზოგიერთ შემთხვევაში შესაძლებელია თავბრუსხვევა და პირღებინება.

ჭიანჭველების ეს სახეობა განსაკუთრებით საშიშია იმ ადამიანებისთვის, რომლებიც ალერგიისადმი არიან მიდრეკილნი. ნაკბენს შეუძლია გამოიწვიოს ანაფილაქტიკური შოკი შესაძლო ლეტალური დასასრულით.