აშშ-ის პრეზიდენტი დონალდ ტრამპი, შესაძლებლად მიიჩნევს „ერთობ მკაცრი ზომების“ გატარებას  ჩრდილოეთ კორეის მიერ საკონტინენტთაშორისო ბალისტიკური რაკეტების გამოცდაზე საპასუხოდ. ტრამპმა დღეს,  ვარშავიდან მოუწოდა მსოფლიოს ყველა ქვეყანას, დაუპირისპირდნენ ჩრდილოეთ კორეის „ძალიან, ძალიან ცუდ საქციელს“.

ტრამპმა ჩრდილოეთ კორეას უწოდა „საფრთხე“, რომელსაც შეერთებული შტატები „ძალიან მტკიცედ დაუპირისპირდება“, მაგრამ მან არ მოისურვა დაკონკრეტება, თუ რა ზომას შეიძლება მიმართოს ვაშინგტონმა. ვარშავაში ტრამპის გამოსვლას წინ უსწრებდა გაეროში აშშ-ის ელჩის, ნიკი ჰეილის განცხადება, რომ შეერთებული შტატები „მნიშვნელოვან სამხედრო ძალას“ გამოიყენებს ჩრდილოეთ კორეის წინააღმდეგ, თუ ეს საჭირო იქნება. შეერთებული შტატები მზად არის გამოიყენოს ჩვენი შესაძლებლობების სრული სპექტრი ჩვენი და ჩვენი მოკავშირეების დასაცავადო, განაცხადა ჰეილიმ 5 ივლისს გაეროს უშიშროების საბჭოს საგანგებო სხდომაზე.

საკონტინენტრაშორისო ბალისტიკური იარაღის გამოცდა ჩრდილოეთ კორეამ 4 ივლისს ჩაატარა.