გიორგი მარგველაშვილი ბრიტანელ ხალხს უსამძიმრებს
საქართველოს პრეზიდენტი გიორგი მარგველაშვილი დიდი ბრიტანეთის ხელისუფლებას და ბრიტანელ ხალხს უსამძიმრებს.
"შეძრწუნებული ვარ ლონდონში მომხდარი შემზარავი ტერორისტული აქტის გამო, რომელსაც უდანაშაულო ადამიანების სიცოცხლე ემსხვერპლა. ვუსამძიმრებ დაღუპულთა ოჯახებს და თანადგომას ვუცხადებ ბრიტანელ ხალხს და ხელისუფლებას", - წერს გიორგი მარგველაშვილი.
ლონდონში ტერაქტი 3 ივნისს ადგილობრივი დროით 22:00 საათზე მოხდა. სატვირთო ავტომობილი ხიდზე ფეხით მოსიარულეებს დაეჯახა. ბოლო ინფორმაციით, დაიღუპა 6 და დაშავდა 48 ადამიანი.
