აჭარის 2016 წლის რესპუბლიკური ბიუჯეტის ასიგნებები 210 173,5 ათასი ლარით განისაზღვრა. 2016 წლის რესპუბლიკური ბიუჯეტის განმარტებით ბარათში აღნიშნულია, რომ 2016 წლისთის რესპუბლიკური ბიუჯეტის გადასახდელები მხარჯავი დაწესებულებების მიხედვით შემდეგნაირად გადანაწილდა: აჭარის ავტონომიური რესპუბლიკის უმაღლესი საბჭო - 4 957,0 ათასი ლარი; აჭარის ავტონომიური რესპუბლიკის საარჩევნო ადმინისტრაცია - 4 229,5 ათასი ლარი; აჭარის ავტონომიური რესპუბლიკის მთავრობა და მასთან არსებული ორგანიზაციები - 53 469,1 ათასი ლარი, მათ შორის: აჭარის მთავრობის აპარატი - 3 545,0 ათასი ლარი;

აჭარის გარემოს დაცვისა და ბუნებრივი რესურსების სამმართველო - 5 047,6 ათასი ლარი; აჭარის ტურიზმისა და კურორტების დეპარტამენტი - 5 823,3 ათასი ლარი; აჭარის საარქივო სამმართველო - 1 978,6 ათასი ლარი; აჭარის საავტომობილო გზებისა და სამელიორაციო სისტემების მართვის დეპარტამენტი - 36 840,7 ათასი ლარი;

2016 წელს აჭარის სავაჭრო-სამრეწველო პალატა, რესპუბლიკური ბიუჯეტიდან 233,9 ათასი ლარით დაფინანსდება, ხოლო აჭარის ფინანსთა და ეკონომიკის სამინისტროს დაფინანსება კი 11 572,9 ათასი ლარი იქნება.

2016 წლის რესპუბლიკური ბიუჯეტის პროექტის თანახმად, აჭარის განათლების, კულტურისა და სპორტის სამინისტრო - 39 041,0 ათასი ლარით, ხოლო აჭარის ჯანმრთელობისა და სოციალური დაცვის სამინისტრო - 14 057,9 ათასი ლარით დაფინანსდება. რაც შეეხება აჭარის სოფლის მეურნეობის სამინისტროს ის 2016 წელს რესპუბლიკური ბიუჯეტიდან 7 200,1 ათასი ლარის დაფინანსებას მიიღებს.