აჭარის ნაერთი ბიუჯეტი 16.3 %-იანი გადაჭარბებით, ხოლო რესპუბლიკური ბიუჯეტი 18 %-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, იანვარ-ოქტომბრის მონაცემებით, ნაერთი ბიუჯეტის გეგმა 178 მლნ 672 ათას 700 ლარი იყო, თუმცა შესრულებამ 207 მლნ 711 ათას 300 ლარი შეადგინა, რაც იმას ნიშნავს, რომ გეგმა 116.3 %-ით შესრულდა.

სტატისტიკური ინფორმაციის მიხედვით, 10 თვის ნაერთი ბიუჯეტის გადასახდლების მუხლი 115.9 %-ით, სხვა შემოსავლების მუხლი - 115.4 %-ით და არაფინანსური აქტივების (კლება) მუხლი - 122.5 %-ით შესრულდა.

რაც შეეხება აჭარის 2015 წლის იანვარ-ოქტომბრის რესპუბლიკური ბიუჯეტის ცალკეულ მუხლებს: გადასახადების მუხლი შესრულებულია - 117.7 %-ით, სხვა შემოსავლების მუხლი - 125.5 %-ით, ხოლო არაფინანსური აქტივების (კლება) მუხლი - 117.5 %-ით.

აჭარის ფინანსთა და ეკონომიკის სამინისტროს მონაცემებით, 10 თვეში ბათუმის თვითმართველი ერთეულის ბიუჯეტი 10 %-იანი გადაჭარბებით შესრულდა, ხოლო ქობულეთის მუნიციპალური ბიუჯეტი 45.8 %-იანი გადაჭარბებით. იანვარ-ოქტომბრის მონაცემერბით, შუახევის მუნიციპალური ბიუჯეტის გეგმა 34.2 %-იანი გადაჭარბებით შესრულდა. ხულოს მუნიციპალური ბიუჯეტის გეგმა კი 16.1 %-ით გადაჭარბდა.

რაც შეეხება ხელვაჩაურისა და ქედას მუნიციპალურ ბიუჯეტის შესრულებას, აქ იანვარ-ოქტომბრის მონაცემებით გადღვევა ფიქსირდება. უფრო კონკრეტულად კი 10 თვის მონაცემებით, ხელვაჩაურის მუნიციპალიტეტის ბიუჯეტი 89.9 %-ით, ქედას ბიუჯეტი კი- მხოლოდ 50.5 %-ით შეივსო.