საქართველოს პრეზიდენტი გიორგი მარგველაშვილი მოლდოვას თავდაცვის მინისტრს ანატოლი სალარუს შეხვდა. გიორგი მარგველაშვილმა და ანატოლი სალარუმ უპირველესად, თავდაცვისა და უსაფრთხოების საკითხები განიხილეს.

მხარეებმა აღმოსავლეთ პარტნიორობის ფარგლებში ევროინტეგრაცის მიმართულებით თანამშრომლობაზე ისაუბრეს.  შეხვედრისას, გიორგი მარგველაშვილმა და ანატოლი სალარუმ საქართველო - მოლდოვას ურთიერთობის საკითხებიც განიხილეს  და ორ მეგობარ ქვეყანას შორის თანამშრომლობის გაღრმავების აუცილებლობაზე გაამახვილეს ყურადღება.

გიორგი მარგველაშვილმა მოლდოვას თავდაცვის მინისტრს მადლობა გადაუხადა საქართველოს ტერიტორიული მთლიანობის მხარდაჭერისთვის.