სულ მცირე 50 ადამიანი დაიღუპა და 100-ზე მეტი დაიჭრა ლტოლვილების ბანაკზე  ნიგერიელი  სამხედროების ავიაიერიშის შედეგად. დაღუპულთა შორის არიან ჰუმანიტარული ორგანიზაციის წარმომადგენლებიც, მათ შორის საერთაშორისო წითელი ჯვრის კომიტეტის 6 თანამშრომელი. ადგილობრივი მედიის ცნობით, დაღუპლთა რაოდენობა შესაძლოა კიდევ გაიზარდოს.  

ინციდენტი კამერუნის საზღვართან ახლოს მოხდა, სადაც არმია ისლამისტური დაჯგუფება ”ბოკო ჰარამის” მებროლების წინააღმდეგ იბრძვის.

სამხედროების ინფორმაციით, პილოტი დარწმუნებული იყო, რომ ამბოხებულებს უტევდა. ნიგერიის პრეზიდენტმა მომხდარი ტრაგედიის გამო მწუხარება გამოთქვა.

საქველმოქმედო ორგანიზაციის ”ექიმები საზღვრებს გარეშე”  ინფორმაციით, დაღუპულთა შორის ძირითადად ის ადამიანები არიან, რომლებიც ”ბოკო ჰარამის”  თავდასხმებს გამოექცნენ.