სირია ისრაელს დაბომბვაში ადანაშაულებს
სირია ისრაელს დამასკის დასავლეთ ნაწილის, მათ შორის სამხედრო აეროპორტის ტერიტორიის დაბომბვაში ადანაშაულებს.
ქვეყნის სახელმწიფო ტელევიზიამ სირიის არმიის განცხადება გაავრცელა, რომლის მიხედვით, რამდენიმე რაკეტა მეზეში, აეროპორტის მიმდებარე ტერიტორიაზე ჩამოვარდა.
დაშავებულთა შესახებ ინფორმაცია ჯერჯერობით არ ვრცელდება.
თავდაპირველად, გავრცელდა ინფორმაცია, რომ მეზეში ძლიერ აფეთქებებს ჰქონდა ადგილი, რამაც ხანძარი გამოიწვია.
მომხდარის ამსახველი სავარაუდო ფოტოები სოციალურ ქსელებში ვრცელდება.
