ირაკლი კობახიძე საქართველოში ჩინეთის სახალხო რესპუბლიკის საგანგებო და სრულუფლებიან ელჩს შეხვდა
საქართველოს პარლამენტის თავმჯდომარემ, ირაკლი კობახიძემ საქართველოში ჩინეთის სახალხო რესპუბლიკის საგანგებო და სრულუფლებიან ელჩთან, იენჩი ძისთან გაცნობითი ხასიათისშეხვედრა გამართა. ელჩმა ირაკლი კობახიძეს პარლამენტის თავმჯდომარედ არჩევა მიულოცა და ჩინეთის სახალხო წარმომადგენელთა ყრილობის მუდმივმოქმედი კომიტეტის (პარლამენტის)თავმჯდომარის, ჭან დეძიანგის მილოცვაც გადასცა.
მხარეების შეფასებით, ორ ქვეყანას შორის ურთიერთობა ბოლო წლებში სწრაფი ტემპით გაღრმავდა და განვითარდა. იენჩი ძის განცხადებით, ჩინეთისთვის, როგორც ყველაზე მსხვილიინვესტორი ქვეყნისთვის, განსაკუთრებით მნიშვნელოვანია სავაჭრო-ეკონომიკური ურთიერთობები საქართველოსთან.
მხარეებმა ისაუბრეს ორ ქვეყანას შორის თავისუფალი ვაჭრობის შესახებ მოლაპარაკებების წარმატებით დასრულებაზე, განიხილეს აბრეშუმის გზის პროექტის „ერთი გზა - ერთისარტყელი" მნიშვნელობაც.
საუბარი ასევე შეეხო კულტურულ და ხალხთაშორისი ურთიერთობის მნიშვნელობასა და განვითარებას. განიხილეს განათლების სფეროში თანამშრომლობის საკითხებიც და აღნიშნეს, რომარსებული გაცვლითი პროგრამები კიდევ უფრო მეტად უწყობს ხელს ხალხთაშორისი ურთიერთობების გაღრმავებას.
ჩინეთის სახალხო რესპუბლიკის ელჩის განცხადებით, ჩინეთი მხარს უჭერს საქართველოს სუვერენიტეტს და ტერიტორიულ მთლიანობას.
მხარეებმა ისაუბრეს საპარლამენტთაშორისო თანამშრომლობაზე და ხაზგასმით აღნიშნეს საპარლამენტო მეგობრობის ჯგუფებს შორის ურთიერთობის გაღრმავებისა და საპარლამენტოდელეგაციების ოფიციალური ვიზიტების მნიშვნელობა. ელჩის შეფასებით, საქართველოს პარლამენტის ამჟამინდელი შემადგენლობა კიდევ უფრო შეუწყობს ხელს ორმხრივი ურთიერთობებისგანვითარებას.
ირაკლი კობახიძემ ელჩს მადლობა გადაუხადა ორ ქვეყანას შორის ურთიერთობების გაღრმავების საქმეში შეტანილი წვლილისა და საქართველოში გაწეული საქმიანობისთვის. საქართველოსპარლამენტის თავმჯდომარემ და ჩინეთის სახალხო რესპუბლიკის ელჩმა სხვადასხვა მიმართულებით თანამშრომლობისთვის მზადყოფნა გამოთქვეს. იენჩი ძიმ ირაკლი კობახიძე ჩინეთისსახალხო რესპუბლიკაში მიიწვია.
