15 დეკემბერს თამრიკო ჭოხონელიძის ვარსკვლავი გაიხსნება
15 დეკემბერს, თბილისის დიდი საკონცერტო დარბაზის წინ, მომღერალ თამრიკო ჭოხონელიძის ვარსკვლავი გაიხსნება.
ვარსკვლავის გახსნამდე კულტურის პალატის ორგანიზებით, ფილარმონიის საკონცერტო დარბაზში თამრიკო ჭოხონელიძის საღამო გაიმართება, სადაც მომღერლის 20-მდე ცნობილი სიმღერა შესრულდება.
კონცერტში მონაწილეობას მაია ჯაბუა, მარიამ როინიშვილი, დები ჭოხონელიძეები და ეხა კახიანი მიიღებენ.
დიდ საკონცერტო დარბაზში კონცერტი საღამოს 20:00 საათზე დაიწყება. დასრულების შემდეგ კი, საქართველოს კულტურის სამინისტროსა და მერიის კულტურის სამსახურის მხარდაჭერით მომღერლის ვარსკვლავი საზეიმო ვითარებაში გაიხსნება.
