„კანონი ოკუპირებული ტერიტორიების შესახებ“ მხოლოდ და მხოლოდ საქართველოს ინტერესებს აზარალებს. ამიტომ, მისი შერბილება კი არა, სერიოზული გადახედვა და განახლება უნდა მოხდეს“ - აღნიშნა „დემოკრატიული მოძრაობის“ წარმომადგენელმა გიორგი ახვლედიანმა.

„კანონი ოკუპაციის შესახებ“ უნდა არსებობდეს, რადგანაც ჩვენ გვაქვვს ოკუპირებული ტერიტორიები. რაც შეეხება სადაო თემას, როგორ დავაჯარიმოთ ადამიანი თუ ის ოკუპირებულ ტერიტორიაზე სხვა ქვეყნიდან შევა, ამ მხრივ სასაცილო მდგომარეობა გვაქვს. ამ კანონში არსებობს ისეთი რეგულაცია, რომელიც მხლოდ საქართველოს ინტერესებს აზარალებს, რადგანაც ის არ ვრცელდება რუს პოლიტიკოსებზე და ვრცლდება რუს ტურისტებზე. მაგალითად: 1-2 თვის წინ, საქართველოში ეუთოს კონფერენციაზე ჩამოვიდა რუსეთის დელეგცია და მათ შორის იყო ბატონი სლუცკი, რომელიც არაერთხელ არის ნამყოფი სოხუმში კრასნოდარის მხრიდან და ცხინვალში როკის გვირაბის გავლით. რატომღაც, მასთან დაკავშირებით ამ კანონის მოქმედება არ გავრცხელდა. არადა, ამ კანონის მიხედვით მთ სს პასუხისმგებლობა უნდა დაკისრებოდა. მაშ რისთვის გვაქვს ეს კანონი, რუსი ტურისტებისთვს? ზაფხულში გაგრაში დასასავენებლად ჩასული ტურისტები საქართველოში ვერ ჩამოდიან, რადგანაც მათ სს პასუხისმგებლობა დაეკისრებათ. ვინ ზარალდება ამით? რუსი ტურისტი, რომელიც ისევ ჩავა და დაისვენებს გაგრაში თუ საქართველოს ბიზნეს და ტურისმის სექტორი? მათ უნდათ საქართველოში ჩამოსვლა და ფულის დახარჯვა, მაგრამ იმის გამო, რომ რომ გაგრაში დაისვენეს, აქ ვერ შემოდიან“ - აღნიშნა ახვლედიანმა.

ის იზიარებს მთავრობის მოსაზრებებს, რომ „კანონი ოკუპირებული ტერიტორიების შესახებ“ შესაცვლელია, თუმცა არ ეთანხმება ინიციატივას სს პასუხისმგებლობის 400 ლარიანი ჯარიმით შეცვლასთან დაკავშირებით: „ცვლილებები საჭიროა, თუმცა ერთი კონკრეტული მუხლის შერბილება იმ კუთხით რომ ამ ადამიანებს 400 ლარიანი ჯარიმა დავაკისროთ, ისევ ჩვენ დაგვაზარალებს. არცერთი ტურისტი არ ჩავა არცერთ ქვეყანაში თუ მაინ იცის, რომ საზღვარზე გადასვლისთანავე ჯარიმას გადაახდევინებენ. ეს მუხლი შესარბილებელი კი არა, სერიოზულად გადასახედი და შესაცვლელია“.