სააკაშვილი აქტიურ პოლიტიკურ საქმიანობას გააგრძელებს, ამის შესახებ უკრაინის გენერალური პორკურორის ყოფილმა მოადგილემ დავით საყვარელიძემ უკრაინულ გამოცემა "გორდონთან" საუბრისას განაცხადა.

მისივე თქმით, სააკაშვილი უკრაინას არ დატოვებს. 

“სააკაშვილის სამომავლო ქმედებები მიმართული იქნება საერთო ნაციონალური ცვლილებებისკენ, საჭიროა მთლიანად ტბის გაწმენდა და არა  - მისი რომელიმე ნაწილის, შეზღუდული შესაძლებლობებით. ის არ არის ადამიანი, რომელიც თანამდებობებს არის გამოკიდებული. ვფიქრობ, ეს არის სწორი გადაწყვეტილება, რომელსაც აქამდე ელოდებოდნენ. თუმცა ის რჩებოდა, რომ ამოეწურა ყველა შესაძლო რესურსი პროექტების დასასრულებლად. სამწუხაროდ, ეს შეუძლებელი აღმოჩნდა. ყველა ადგილობრივი კლანი ერთად მუშაობს. მათ წინააღმდეგ მოქმედება უბრალოდ შეუძლებელი გახდა. სააკაშვილი არ დატოვებს უკრაინას და აქტიურ პოლიტიკურ მოღვაწეობას გააგრძელებს. ძალიან მალე ამის შესახებ შეიტყობთ”, - განაცხადა საყვარელიძემ.