მესამე აეროპორტი სტამბულს საჰაერო მიმოსვლის ცენტრად გადააქცევს. აღნიშნულის შესახებ განცხადება, ახალი აეროპორტის მსენებლობისთვის, ფინანსურ დოკუმენტზე ხელმოწერისას, თურქეთის პრეზიდენტმა რეჯებ ტაიპ ერდოღანმა გააკეთა.

როგორც ხელმოწერის ცერემონიალზე პრეზიდენტმა განაცხადა, სტამბულისთვის მესამე აეროპორტი მნიშვნელოვანი ინფრასტრუქტურა გახდება, რადგანაც სწორედ ამ აეროპორტით სტამბული მსოფლიოში საჰაერო მიმოსვლის მხრივ ლიდერის პოზიციას დაიკავებს. პრეზიდენტმა აღნიშნა, რომ ახალი აეროპორტის მსენებლობა ახალი ეპოქიოს დასაწყისია, როგორც სამოქალაქო ავიაციისათვის, ასევე საბანკო სისტემისთვის.

სტამბულს ამ დროისათვის ორი აეროპორტი ემსახურება: ათათურქის სახელობის საერთაშორისო აეროპორტი და საბიჰას საერთაშორისო აეროპორტი.

სტამბულის ახალი აეროპორტის მშენებლობის შესახებ გადაწყვეტილება ჯერ კიდევ 2013 წელს იქნა მიღებული. აეროპორტის მშენებლობის ტენდერი "Limak-Kolin-Cengiz-MaPa-Kalyon"-მა მოიგო, რომელმაც პროექტი 22,1 მლრდ დოლარად შეაფასა. აღნიშნული აეროპორტი თავდაპირველად წელიწადში 90 მლნ მგზავრს მოემსახურება, ხოლო შემდგომ გამტარუნარიანობა 150 მლნ მგზავრამდე გაიზრდება.

სტამბულში მესამე აეროპორტი, რომელიც ტერკოსის ტბის მიმდებარედ აშენდება, მსოფლიოში ერთ-ერთი უდიდესი აეროპორტი იქნება და ის თურქეთის პრეზიდენტის, რეჯებ ტაიპ ერდოღანის სახელობის იქნება.