საქართველოს საგარეო საქმეთა მინისტრის მოადგილემ, გიგი გიგიაძემ შეხვედრა გამართა საქართველოში შეზღუდული შესაძლებლობების მქონე ბავშვთა მშობლებთან რომლებიც წარმოადგენდნენ კავშირს "ჩვენი ბავშვები".

შეხვედრაზე მხარეებმა ისაუბრეს შეზღუდული შესაძლებლობების მქონე ბავშვთა უფლებების დაცვის მხრივ საქართველოში არსებულ ვითარებაზე, ამ საკითხზე საქართველოს ხელისუფლების მიერ აღებულ საერთაშორისო ვალდებულებებსა და მათი შესრულების პროცესზე. მინისტრის მოადგილემ არასამთავრობო ორგანიზაციის წარმომადგენლებს ინფორმაცია მიაწოდა ადამიანის უფლებათა დაცვის სხვადასხვა მიმართულებები საგარეო საქმეთა სამინისტროს ჩართულობაზე.

მხარეებმა ასევე ისაუბრეს ინკლუზიური განათლების ხელმისაწვდომობის გაუმჯობესების,  შეზღუდული შესაძლებლობების მქონე ბავშვების რეაბილიტაციის და მათი ინდივიდუალური საჭიროებების დაფინანსების საკითხებზე.