სასულიერო პირების მიერ ხეების მოჭრის ფაქტთან დაკავშირებით, არასამთავრობო ორგანიზაცია „საუნჯე“ საგანგებო განცხადებას ავრცელებს, რომელსაც უცვლელად გთავაზობთ:

„ყოვლად დაუშვებლად მიგვაჩნია მრავალწლიანი მცენარეების თვითნებურად გაჩეხვა-განადგურება. ჩვენი ორგანიზაცია ცდილობს მოსახლეობის ცნობიერების ამაღლებას თითოეული ხის მნიშვნელობაზე და ამ დროს სასულიერო პირების მხრიდან მსგავს დაუდევრობას ვგმობთ.

მივმართავთ ადგილობრივ თვითმმართველობას, გარემოს დაცვის სამინისტროს და სამართალდამცავ ორგანოებს დროული რეაგირება მოახდინონ აღნიშნულ ქმედებაზე.

ეპარქიას მოვუწოდებთ უცხოეთიდან დეკორატიული და ძვირადღირებული ნერგების ჩამოტანის სანაცვლოდ გაუფრთხილდნენ საქართველოს ტერიტორიაზე თითოეულ ხეს და ადგილზე გააშენონ სანერგე მეურნეობები“, - ნათქვამია არასამთავრობო ორგანიზაციის „საუნჯე“ მიერ გავრცელებულ განცხადებაში.

შეგახსენებთ, რომ ზუგდიდში, ივერიის სახელობის ღვთისმშობლის სახელობის მშენებარე საკათედრო ტაძრის მიმდებარე ტერიტორიაზე მარადმწვანე ხეები მოჭრეს.

ტერიტორია, სადაც ხეები მოიჭრა, ეპარქიას არ ეკუთვნის. ის შპს „აგრომეტის“ საკუთრებაა. 

აღნშნული ვიდეომასალა საინფორმაციო სააგენტომ „ლაივპრესი“ გადაიღო.