მსოფლიოს სამგზის ჩემპიონის ტაისონ გეის ქალიშვილი მოკლეს
სროლის შედეგად ამერიკელი სპრინტერისა და მსოფლიოს სამგზის ჩემპიონის ტაისონ გეის ქალიშვილი დაიღუპა. შემთხვევა კენტუკის შტატის ქალაქ ლექსინგტონში მოხდა.
თვითმხილველთა ინფორმაციით, 15 წლის ტრინიტი გეი რესტორნის ავტოსადგომზე იმყოფებოდა, როდესაც ორი მანქანიდან ერთმანეთის მიმართულებით ისროლეს.
დაჭრილი მოზარდი საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
