თბილისიდან განხორციელებული რეისების 89 %-ი უცხოურ, ხოლო 11 %-ს ადგილობრივ ავიაკომპანიებზე მოდის. საქართველოს სამოქალაქო ავიაციის სააგენტოს ინფორმაციით, იანვარ-სექტემბერის მონაცემებით, ბაზრის ლიდერი თურქული ავიაგადამზიდავი Turkish Airlines-ია, რომელიც 9 თვეში, თბილისის საერთაშორისო აეროპორტიდან გადაყვანილი მგზავრევბის რაოდენობის მიხედვით, ბაზრის 20 %-ის მფლობელია. თბილისიდამნ რეგულარული რეისებით გადაყვანილი მგზავრების წილობრივი მონაცემებით, Turkish Airlines-ის კონკურენტი ქართული ავიაგადამზიდავი Georgian Airlines-ია, რომელიც გადაყვანილი მგზავრთნაკადის მიხედვით, ბაზრის 11 %-ს აკონტროლებს. თბილისის საერთაშორისო აეროპორტიდან გადაყვანილი მგზავრთნაკადის მიხედვით, რეიტინგში მესამე პოზიციაზეა უკრაინული Flyuia, ის ბაზრის 9 %-იანი წილის მფლობელია.

სტატისტიკური ინფორმაციის მიხედვით, 9 თვეში თბილისის საერთაშორისო აეროპორტიდან გადაყვანილი მგზავრთნაკადის მიხედვით, ბაზრის 7%-იანი წილის მფლობელია Pegasus Airlines-ი. ბაზრის 5-ს კი flydubai აკონტროლებს. ბაზრის 4-4%-იანი წილების მფლობელები კი არიან: Atlas Global-ი, S7-ი, Lufthansa და Aeroflot-ი. ხოლო 3-3 %-ი კი ავიაკომპანიებზე: Transaero Airlines, Air Astana, Air Cairo, ISRAIR, Belavia, Qatar Airways-ზე და ‎ AZAL-ზე მოდის.

აღსანიშნავია, რომ 2015 წლის იანვარ-სექტემბერში თბილისის საერთაშორისო აეროპორტი, რეგულარული რეისებით, 1 მლნ 389 ათას 467 მგზავრს მოემსახურა.