ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების გაღრმავების საქმეში დამსახურებისა და საქართველოს ადმინისტრაციული კანონმდებლობის განვითარებაში შეტანილი წვლილისათვის ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს დადგენილებით ბრემენის უნივერსიტეტის პროფესორს გერდ ვინტერს ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორის წოდება მიენიჭა.

 ღონისძიებას ესწრებოდნენ ადგილობრივი და საერთაშორისო ორგანიზაციის წარმომადგენლები. უნივერსიტეტის რექტორმა, პროფ. გიორგი შარვაშიძემ გერდ ვინტერს საპატიო დოქტორს დიპლომი გადასცა და სპეციალური მანტიით შემოსა.

 ღონისძიებას თსუ-ის იურიდიული ფაკულტეტის დეკანი ირაკლი ბურდული უძღვებოდა. დამსწრე საზოგადოებას სიტყვით მიმართეს გერმანიის საერთაშორისო საზოგადოების (GIZ) სამართლის პროექტის ხელმძღვანელმა იენს დეპემ, თსუ პროფესორმა პაატა ტურავამ და თსუ ადმინისტრაციულ მეცნიერებათა ინსტიტუტის აკადემიურმა დირექტორმა კობა ყალიჩავამ.

ღონისძიებაზე პროფესორ გერდ ვინტერმა გააკეთებს მოხსენებას თემაზე „Reflexions on the methodology of transnational legal consultancy“.