12 ბავშვი ემსხვერპლა იემენში კოალიციის ავიაიერიშებს
15 მშვიდობიანი მოქალაქე, მათ შორის 12 ბავშვი ემსხვერპლა იემენში საუდის არაბეთის ხელმძღვანელობით არაბული ქვეყნების კოალიციის სამხედრო ავიაციის იერიშებს. უცხოური მედიის ინფორმაციით, ავიადარტყმები ქვეყნის ჩრდილოეთ ნაწილში განხორციელდა.
ტელეარხ ”ალ-მაიადინის” ცნობით, კოალიციის სამხედრო თვითმფრინავებმა ავიაიერიში ავტომობილზე მიიტანეს, სადაც ადგილობრივი მცხოვრებლები იმყოფებოდნენ. იერიში საუდის არაბეთის მოსაზღვრე ელ-ჯაუფის პროვინციაში განხორციელდა. დაღუპულთა შორის სამი ქალი და 12 ბავშვია.
არაბული კოალიციის ხელმძღვანელობას მომხდარზე კომენტარი ამ დრომდე არ გაუკეთებია.
