ნუთუ მართლა ყველაფერი იყიდება? - სალომე ზურაბიშვილი რუსთაველის თეატრში რუსი სტუდენტების წარმოდგენაზე

საქართველოს მეხუთე პრეზიდენტი სალომე ზურაბიშვილი რუსთაველის თეატრში რუსეთის თეატრალური ხელოვნების ინსტიტუტის სტუდენტების წარმოდგენას  სოციალურ ქსელში ეხმიანება. 

სალომე ზურაბიშვილი აღნიშნავს, რომ ამ ფონზე ქართველი მსახიობებისთვის სცენაზე ადგილი აღარ არის.

"ამ დროს ქართველ მსახიობებს აღარც ადგილი, აღარც სცენა, და ცხადია აღარც საშუალება ეძლევათ რომ რუსთაველის თეატრი “ დაიქირაონ”!!!

ნუთუ მართლა ყველაფერი იყიდება???, - წერს სალომე ზურაბიშვილი. 

ცნობისათვის, რუსთაველის თეატრში რუსეთის თეატრალური ხელოვნების ინსტიტუტის სტუდენტებმა წარმოდგენა გამართეს. ღონისძიება 14 მაისს გაიმართა და მეორე მსოფლიო ომში გამარჯვების 81-ე წლისთავს მიეძღვნა. 

რუსთაველის თეატრის დირექტორიმა, გია თევზაძემ TV პირველთან კომენტარში რუსი სტუდენტებისთვის თეატრის დარბაზის მიქირავებასთან დაკავშირებით ისაუბრა და თქვა, რომ ამაში "მაქსიმალური თანხა" აიღეს და კიდევ რომ დასჭირდეთ დარბაზს კიდევ მიაქირავებენ "ფულის გამო".

"ჩვენ იჯარით მივეცით დარბაზი, მაქსიმალური თანხა ავიღეთ, იქ ისეთი არაფერი არ იყო, სტუდენტები იყვნენ რუსეთის თეატრალური ხელოვნების ინსტიტუტის . 

ჩვენ არავინ დაგვიკარგავს ამ ომში? [მეორე მსოფლიო ომში]... ჩვენ ყველაზე მეტი დავკარგეთ ამ ომში. რა საკვირველია, კიდევ რომ დასჭირდეთ, თეატრის დარბაზს კიდევ მივაქირავებთ ფულის გამო". - თქვა თევზაძემ.