ეს არის „ქართული ოცნებისა“ და რუსეთის ერთობლივი პროპაგანდა - ზურაბ ჭიაბერაშვილი „ხალხის ძალის“ განცხადებაზე

„ხალხის ძალის“ განცხადება არის ის, რასაც „ქართული ოცნება“, ეს რუსული კოშმარი არ აპირებს, რომ თქვას და ათქმევინებს თავის სატელიტს. ასეთი პროპაგანდა ჩვენ არაერთხელ მოგვისმენია და ნათლად ავლენს „ქართული ოცნების“ ბუნებას, ისინი ამ გზავნილით მოვიდნენ ხელისუფლებაში, ამ გზავნილით ასრულებენ ხელისუფლებას,“ - ამის შესახებ „ერთიანი ნაციონალური მოძრაობის“ საგარეო მიმართულების მდივანმა ზურაბ ჭიაბერაშვილმა „ხალხის ძალის“ განცხდებასთან დაკავშირებით თქვა.

მისი თქმით, არის ეს „ქართული ოცნების“ და რუსეთის ერთობლივი პროპაგანდა.

„ხალხის ძალის“ განცხადება არის ის, რასაც „ქართული ოცნება“, ეს რუსული კოშმარი არ აპირებს, რომ თქვას და ათქმევინებს თავის სატელიტს. აქედან გამომდინარე, უნდა ვიცოდეთ, რომ ეს არის „ქართული ოცნების“ და რუსეთის ერთობლივი პროპაგანდა, მათ შორის ისინი კვლავ და კვლავ უბრუნდებიან იმ თემას, რაც ყველაზე მტკივნეულია ჩვენთვის და რაც ყველაზე მეტად აწყობს კრემლს. ეს არის ის, რომ ისევ და ისევ დადანაშაულებული იქნას საქართველო, დადანაშაულებული იქნას ჩვენი პარტნიორები - ევროკავშირი, შეერთებული შტატები, ასეთი პროპაგანდა ჩვენ არაერთხელ მოგვისმენია და ნათლად ავლენს „ქართული ოცნების“ ბუნებას, ისინი ამ გზავნილით მოვიდნენ ხელისუფლებაში, ამ გზავნილით ასრულებენ ხელისუფლებას და ღრმად ვარ დარწმუნებული, რომ სულ უფრო და უფრო მეტი ადამიანი საქართველოში ხედავს ამ რუსული ძალის მოღალატეობრივ ბუნებას.“ - განაცხადა ზურაბ ჭიაბერაშვილმა.