იკერ კასილასმა წაშალა პოსტი, სადაც წერდა, რომ გეია

მადრიდის "რეალის" ყოფილმა მეკარემ, იკერ კასილასმა ტვიტერის ოფიციალური გვერდიდან წაშალა პოსტი, სადაც წერდა, რომ გეია. აღნიშნული პოსტი მან დღეს, 9 ოქტომბერს გამოაქვეყნა:

“იმედია, პატივისცემას გამოიჩენთ: გეი ვარ”, – წერდა კასილასი. ამასთან დაკავშირებით მან განცხადება გაავრცელა, სადაც განმარტავს, რომ ჰაკერების მსხვერპლი გახდა.

"ანგარიში გატეხეს. საბედნიეროდ ყველაფერი რიგზეა. ბოდიში ყველა ჩემს ფოლოვერს და რა თქმა უნდა, უფრო დიდი ბოდიში LGBT საზოგადოებას," - ვკითხულობთ ტვიტში.

სპორტსმენი ჟურნალისტ სარა კარბონეროზე 5 წლის განმავლობაში იყო დაქორწინებული. ისინი ერთმანეთს 2021 წლის მარტში დაშორდნენ და ორი შვილი ჰყავთ.