დადასტურდა, რომ ხვიჩა კვარაცხელია დინამო ბათუმში ითამაშებს

დადასტურებული ინფორმაციით, ხვიჩა კვარაცხელია დინამო ბათუმში ითამაშებს.

ყაზანის „რუბინმა“ დღეს დაადასტურა, რომ საქართველოს ნაკრების 21 წლის თავდამსხმელთან კონტრაქტი შეჩერდა. ფიფა-ს გადაწყვეტილებით, რუსეთში მოთამაშე ლეგიონერებს ახალ კლუბში გადასვლა 30 ივნისამდე შეეძლოთ და ამისთვის კლუბის თანხმობა საჭირო არ იყო.

ცოტა ხნის შემდეგ, დინამო ბათუმმა გამოაქვეყნა პოსტი წარწერით "Kvara is here" (კვარა აქ არის).

ევროპული საინფორმაციო პორტალები ამტკიცებენ, რომ ხვიჩა კვარაცხელია ჯერ ბათუმის „დინამოში“ ითამაშებს, შემდეგ კი ევროპაში წავა. სახელდება დაინტერესებული კლუბებიც – thehardtackle კვარაცხელიაზე წერს – „ტოტენჰემი“, „ლიდსი“, „ნაპოლი“, „მილანი“.

ამჟამად 21 წლის ნახევარმცველი საქართველოს ეროვნული ნაკრების შეკრებაზე იმყოფება და მომავალი ამხანაგური მატჩებისთვის (25 მარტს ბოსნია-ჰერცეგოვინასთან, 29-ში - ალბანეთთან) ემზადება.