ლევან გაჩეჩილაძე იუსტიციის სახლშია - დაჩქარებული წესით მოხდება რეგისტრაცია

ლევან გაჩეჩილაძე ამ წუთებში იუსტიციის სახლში მივიდა, სადაც ტელეკომპანია „მაესტროს“ გენერალურ დირექტორად რეგისტრირდება.

„განაცხადი შევიდა, დაჩქარებული წესით მოხდება რეგისტრაცია, მეურვის ნებართვის შემდეგ. როდის იქნება გადაწყვეტილება მიღებული, ეს უნდა ჰკითხოთ საჯარო რეესტრს. ყველა საბუთი წესრიგშია, მეურვემ ხელი მოაწერს "მაესტროს" პარტნიორთა კრების ოქმს და საბუთები დასარეგისტრირებლად შევიდა", - განაცხადა ლევან გაჩეჩილაძემ.

ლევან გაჩეჩილაძე იუსტიციის სახლში ადვოკატთან ერთად იმყოფება. თუმცა, წინასწარი განცხადება არც მას და არც მის ადვოკატს არ გაუკეთებიათ.