მსოფლიოში ცხოველების პოპულაცია ბოლო 50 წელში, 68 პროცენტით შემცირდა

საქართველო, თბილისი - 16:27 | 10.09.2020

ნანახია: 2652

ძუძუმწოვრების, ფრინველების, რეპტილიების და თევზების პოპულაციები ბოლო 50 წლის განმავლობაში 68 პროცენტით შემცირდა. მონაცემები ასახულია ველური ბუნების მსოფლიო ფონდის (WWF) მოხსენებაში, რომელიც 2020 წლის ცოცხალი პლნეტის გლობალური ინდექსისანგარიშს ეძღვნება.

„2020 წლის ცოცხალი პლანეტის გლობალური ინდექსი შემცირებას განაგრძობს. 1970-2016 წლების პერიოდში ძუძუმწოვრების, ფრინველების, ამფიბიების, რეპტილიებისა და თევზების პოპულაციების რაოდენობა საშუალოდ 68 პროცენტით შემცირდა“, - ნათქვამია მოხსენბაში.

ცოცხალი პლანეტის ინდექსი დაფუძნებულია ძუძმწოვრების, ფრინველების, რეპტილიებისა და თევზების 4 ათასზე მეტი სახეობის რაოდენობაზე. ამასთან, მეცნიერებმა გაანალიზეს მონაცემები ხერხემლიანთა პოპულაციაზეც (თითქმის 21 ათასი).

მოხსენების თანახმად, ყველაზე მეტი დანაკარგი დაფიქსირებულია ჩრდილოეთ და სამხრეთ ამერიკის ტროპიკულ სუბრეგიონებში - ამ ადგილებში შემცირება შეფასებულია 94 პროცენტით.

ცოცხალი პლანეტის ინდექსი აჩვენებს მსოფლიო ბიომრავალფეროვნების მდგომარეობას და იანგარიშება ხერხემლიანთა პოპულაციების სახეობებისა და მათი რაოდენობის საშუალო დინამიკის შესახებ მოგროვილი მონაცემების საფუძველზე.