პოლ პოგბამ ფანებისგან თავის დასაცავად 18 ათას ევროდ როტვეილერი შეიძინა | ფოტო

“მანჩესტერ იუნაიტედის” ნახევარმცველმა პოლ პოგბამ 18 ათას ევროდ ძაღლი შეიძინა. 26 წლის ფრანგმა ფეხბურთელმა როტვეილერი კომპანია Chaperone K9-ისგან იყიდა, რომელიც ცხოველების გაწვრთნაზეა სპეციალიზირებული.

პოგბამ ასეთი გადაწყვეტილება მის მიმართ კლუბის ზოგიერთი ფანის აგრესიული განწყობის გამო მიიღო. მსოფლიოს ჩემპიონს მანჩესტერელ გულშემატკივრებთან ურთიერთობა განსაკუთრებით გასული ზაფხულის შემდეგ დაეძაბა - პოგბას კლუბის დატოვება სურდა, მაგრამ მისი ტრანსფერი რეალში არ შედგა. ამას დაემატა წარუმატებელი სტარტოც. ცოტა ხნის წინ კლუბის ბაზის შესასვლელთან ფრანგს წარწერაც დახვდა - "Pogba Out".

ამავე ფირმისგან ძაღლები უწინ პოგბას თანაგუნდელებმა, მცველმა ფილ ჯონსმა და თავდამსხმელმა მარკუს რაშფორდმაც შეიძინეს. კომპანიაში აღნიშნავენ, რომ ცხოველები აგრესიულობით არ გამოირჩევიან მანამდე, ვიდრე შესაბამის ბრძანებას არ მიიღებენ.