უეფა ანტირუსული წარწერებისთვის ქართველ ფეხბურთელებს ვერ დასჯის

ნებისმიერი შესაძლო სადისციპლინო ღონისძიება იმასთან დაკავშირებით, რომ ქართული საფეხბურთო კლუბები გამოვიდნენ მაისურებით ანტირუსული ლოზუნგებით საქართველოს ფეხბურთის ფედერაციის იურისდიქციის ქვეშ ექცევა. ამის შესახებ უეფას პრეს-სამსახური იუწყება.

 „იმის გათვალსიწინებით, რომ აღნიშნულ მოვლენებს შიდა ტურნირებზე ჰქონდა ადგილი, ნებისმეირი შესაძლო სადისციპლინო ღონისძიება საქართველოს ფეხბურთის ფედერაციის იურისდიქციის ქვეშ ექცევა. უეფას შეუძლია სადისციპლინო საქმე აღძრას მხოლოდ იმ ინციდენტებთან დაკავშრებით, რომლებიც უეფას ტურნირის ფარგლებში ხდება“, - აღნიშნულია უეფას პრეს-სამსახურის განცხადებაში.

შეგახსნებთ, რომ ქუთაისის „ტორპედოს“, თბილისის „ლოკომოტივისა“ და რუსთავის „რუსთავის“ კლუბების ფეხბურთელები კრისტალბეთ ეროვნული ლიგის  მე-19 ტურის მატჩებში გამოვიდნენ მაისურებით, რომლებსაც ჰქონდა წარწერა „მე ვარ საქართველოდან და ჩემი ქვეყანა ოკუპირებულია რუსეთის მიერ“.