PSP-ს პარტნიორი ევროპის ნომერი პირველი კოსმეტიკის ბრენდი Essence გახდა

PSP მომხმარებელს ცნობილ გერმანულ დეკორატიული კოსმეტიკის ბრენდ ესენსს (Essence) შესთავაზებს. ესენსი ცნობილი გერმანული ჯგუფი „კოსნოვას“ წევრია, რომელიც გერმანიაში და ცენტრალურ ევროპაში გაყიდვებით (რაოდენობრივად) ნომერი პირველი კოსმეტიკური ბრენდია. ესენსი დეკორატიული კოსმეტიკის თითქმის სრული სპექტრით არის წარმოდგენილი ბაზარზე: ტონალური კრემი, ფრჩხილის ლაქი, ტუში, ტუჩსაცხი, თვალის ჩრდილი, ჰაილაითერი, კორექტორი, წარბის მოვლა და ა.შ.

ესსენსი მსოფლიოს 40 000-ზე მეტ ობიექტში იყიდება. მისი წარმატების საიდუმლო, ხელმისაწვდომი ფასისა და გერმანული ხარისხის კომბინაციაა. ესენსის დეკორატიული კოსმეტიკა ყველაზე დიდი მოთხოვნა ცენტრალურ ევროპაშია.

„PSP მუდმივად ზრუნავს მომხმარებელზე და ჩვენ ყოველთვის ვითვალისწინებთ მათ ინტერესს. როცა დეკორატიული კოსმეტიკის მიმართულების განვითარება გადავწყვიტეთ არჩევანი Essence-ზე შევაჩერეთ. კომპანიას საქართველოში პარტნიორის შერჩევის რამდენიმე ეტაპიანი პროცედურა ჰქონდა და მოხარული ვართ, რომ არჩევანი PSP-ზე, როგორც ლიდერ კომპანიაზე, გაკეთდა. მოხარული ვართ, რომ ჩვენს მომხმარებელს ევროპის ნომერ პირველ კოსმეტიკის ბრენდს ყველაზე ხელმისაწვდომ ფასად შევთავაზებთ,“ - აცხადებენ PSP-ში.  

ესენსის ვეგანურია ბრენდია და ის  უარს ამბობს ცხოველებზე ტესტირებაზე.

ესენსს სხვადასხვა ქვეყანაში „წლის პროდუქტის“ ჯილდო აქვს მიღებული. 2017 წელს ესენსი იტალიის ნომერი პირველი კოსმეტიკური ბრენდი გახდა.