ლიონელ მესი ყველაზე მაღალანაზღურებადი ფეხბურთელი გახდა

ჟურნალ Forbes-ის ვერსიით “ბარსელონასა“ და არგენტინის  ნაკრების თავდამსხმელი ლიონელ მესი ყველაზე მაღალანაზღაურებადი ფეხბურთელი გახდა.

გამოცემის ცნობით, 30 წლის ფეხბურთელის შემოსავალმა 2017 წელს 111 მლნ დოლარი შეადგინა. აქედან 84 მლნ დოლარი ბარსელონაში“ თამაშისას გამოიმუშავა, დანარჩენი კი სარეკლამო კონტრატქებით.

ყველაზე მაღალანაზღაურებად ფეხბურთელებს შორის მესიმ პირველად აჯობა მადრიდის „რეალის“ თავდამსხმელს კრიშტიანუ რონალდუს, რომელმაც გასულ წელს 108 მლნ დოლარი გამოიმუშავა.

სიაში მესამე ადგილს იკავებს პსჟ-ს ბრაზილიელი ფორვარდი ნეიმარი, რომლის შემოსავალმაც გასულ წელს 90 მლნ დოლარი შეადგინა. ყველაზე მაღალანაზღაურებადი ფეხბურთელების სია ასე გამოიყურება:

1.მესი („ბარსელონა“ – 111 მლნ დოლარი

2. რონალდუ („რეალი“) – 108 მლნ დოლარი

3.ნეიმარი (პსჟ) – 90 მლნ დოლარი

4. პოგბა („მანჩესტერ იუნაიტედი“) – 29,5 მლნ დოლარი
5. სუარესი („ბარსელონა“) – 26,9 მლნ დოლარი

6.აგუერო („მანჩესტერ სიტი“) – 23,5 მლნ დოლარი

7. დი მარია (პსჟ) – 22,6 მლნ დოლარი

8.მბაპე (პსჟ) – 22,5 მლნ დოლარი

9.სილვა (პსჟ) – 22,4 მლნ დოლარი

10. როდრიგესი („ბაიერნი“) – 22,1 მლნ დოლარი