ლონდონის საფონდო ბირჟაზე საქართველოს ბანკის და საქართველოს კაპიტალის აქციები პრემიუმ ლისტინგის სეგმენტშია განთავსებული
საქართველო, თბილისი - 14:23 | 29.05.2018 ნანახია: 1992
საქართველოს ბანკმა და საინვესტიციო კომპანია „საქართველოს კაპიტალმა“
„ბიჯეო“ ჯგუფის გაყოფის პროცესის წარმატებით დასრულების შესახებ განაცხადა. 10-წლიანი წარმატებული საქმიანობის შემდეგ საქართველოს ერთ-ერთი უმსხვილესი საინვესტიციო ჯგუფი − BGEO − ორ დამოუკიდებელ კომპანიად გაიყო. კომპანიებად, რომლებიც მოღვაწეობას საბანკო და საინვესტიციო ბიზნესის მიმართულებით აგრძელებენ. აღნიშნული გაყოფა საქართველოს ფინანსურ სექტორში უმნიშვნელოვანესი მოვლენაა, ამიერიდან ორ კომპანიას შესაძლებლობა აქვს, დამოუკიდებლად მართოს ყველა რესურსი, მისდიოს საკუთარ სტრატეგიასა და იზრუნოს კიდევ უფრო მეტ განვითარებასა და წინსვლაზე.
საქართველოს ბანკის და „საქართველოს კაპიტალის“ აქციები ლონდონის საფონდო ბირჟაზე პრემიუმ ლისტინგის სეგმენტში წარმატებით განთავსდა. დღეიდან, ორივე კომპანიის აქციები დამოუკიდებლად ივაჭრება ლონდონის საფონდო ბირჟაზე. საქართველოს ბანკის აქციები BGEO-ს ე.წ ტიკერით, ხოლო საქართველოს კაპიტალის აქციები CGEO-ს „ტიკერით“.
„ვულოცავ ორივე კომპანიის წარმომადგენლებს ამ დიდ წარმატებას. ვფიქრობ, დამოუკიდებლად წინსვლა ყველაზე სწორი გზაა, რადგან ორივე ბიზნესს შესაძლებლობა აქვს, მაქსიმალურად აითვისოს არსებული პოტენციალი და განვითარდეს; წარმატებული საბანკო და საინვესტიციო კომპანიები კი ქვეყნის წარმატების წინაპირობაა. მე ამაყი ვარ, რომ ლონდონის საფონდო ბირჟის პრემიუმლისტინგში ყოფილი საინვესტიციო კომპანია „ბიჯეო“-დან უკვე სამი დამოუკიდებელი კომპანიაა წარმოდგენილი − საქართველოს ბანკი, საქართველოს კაპიტალი და GHG ჯგუფი.“ - განაცხადა „საქართველოს კაპიტალის“ სამეთვალყურეო საბჭოს თავმჯდომარემ და გენერალურმა დირექტორმა ირაკლი გილაურმა.
„მინდა მივულოცო წარმატებული გაყოფა როგორც საბანკო, ასევე საინვესტიციო კომპანიის წარმომადგენლებს; გაყოფა, რომელიც საინტერესო პროცესისა და 10-წლიანი თავდაუზოგავი შრომის შედეგია. კომპანიებმა უკვე მიაღწიეს განვითარების მნიშვნელოვან ეტაპს და ახლა მზად არიან, დამოუკიდებლად განაგრძონ მოღვაწეობა. მინდა ასევე მადლობა გადავუხადო ყველა იმ ადამიანს, ვინც მონაწილეობა მიიღო აღნიშნულ პროცესში. ვფიქრობ, გაყოფის შედეგად, საქართველოს ბანკს შესაძლებლობა ექნება, გადავიდეს განვითარების ახალ ეტაპზე და კიდევ უფრო საინტერესო ისტორია შექმნას საბანკო მომსახურების სფეროში.“ - აღნიშნა საქართველოს ბანკის გენერალურმა დირექტორმა კახა კიკნაველიძემ.
„ლონდონის საფონდო ბირჟაზე საქართველოს საბანკო სექტორი პირველად 2006 წელს გამოჩნდა. მას შემდეგ ნდობა ჩვენი საფინანსო სისტემის მიმართ მნიშვნელოვნად გაიზარდა და ამას ადასტურებს ის ფაქტიც, რომ დღეს საქართველოს საბანკო სექტორის ნახევარზე მეტი წარმოდგენილია ლონდონის საფონდო ბირჟაზე. ეს ნიშნავს, რომ საქართველოს საფინანსო სექტორი ჯანსაღი და მდგრადია, ის ეფუძნება გამჭვირვალე მმართველობით ფორმას და რეგულირდება საუკეთესო საერთაშორისო პრაქტიკის შესაბამისად. ვულოცავ დღევანდელ წარმატებას როგორც საქართველოს ბანკს და საინვესტიციო კომპანიას, ასევე მთელ ქვეყანას”,- განაცხადა ეროვნული ბანკის პრეზიდენტმა, კობა გვენეტაძემ.
აღსანიშნავია, რომ საინვესტიციო და საბანკო მიმართულებებად ბიზნესების ცალ-ცალკე გაყოფის შემდეგ აქციონერები, რომლებიც ფლობენ BGEO ჯგუფის აქციებს, თითოეული აქციის ნაცვლად მიიღებენ საქართველოს ბანკის ერთ და „საქართველოს კაპიტალის“ ერთ აქციას. ამასთან, „საქართველოს კაპიტალი“ „საქართველოს ბანკში“ საწყის ეტაპზე, დროებით 19.9% -იან წილს შეინარჩუნებს, რომელიც ეტაპობრივად შემცირდება.
ინფორმაციისთვის, საინვესტიციო ჯგუფმა „ბიჯეომ“ საბანკო და საინვესტიციო მიმართულებად გაყოფის თაობაზე 2017 წლის 3 ივლისს განაცხადა. საბოლოო გადაწყვეტილება კი ორ დამოუკიდებელ ბიზნესად ჩამოყალიბებასთან დაკავშირებთ კომპანიის აქციონერთა საბჭომ 2018 წლის 30 აპრილს დაამტკიცა. გაყოფის შედეგად კომპანიებს ერთმანეთისგან დამოუკიდებელი სამეთვალყურეო და დირექტორთა საბჭოები ჰყავთ. აღსანიშნავია, რომ ყოფილი საინვესტიციო ჯგუფიდან „BGEO“ ლონდონის საფონდო ბირჟაზე 3 კომპანიაა წარმოდგენილი: „საქართველოს ბანკის ჯგუფი“ (Bank of Georgia Group), „საქართველოს კაპიტალი“ (Georgia Capital) და „საქართველოს ჯანდაცვის ჯგუფი“ (GHG Healthcare).
პოლიტიკა
- მინდა ცეცხლის სწრაფი შეწყვეტა მოხდეს, მაგრამ თუ დღეს ესარ მოხდება, ბედნიერი. არ ვიქნები - დონალდ ტრამპი
- სომხეთ-აზერბაიჯანის სამშვიდობო შეთანხმება დიდი ნაბიჯია, თუმცა სამხრეთ კავკასიაში მშვიდობა და კეთილდღეობა საფრთხეშია, თუ ჩინეთი საქართველოზე დომინირებას გააგრძელებს - ჯო უილსონი
- ომში ვართ ავტორიტარულ რეჟიმთან, „ნაციონალურმა მოძრაობამ“ გადაწყვიტა, ამ ომში ან საკუთარი დღის წესრიგი მოახვიოს სხვებს თავს ან წინააღმდეგობის ველი მოისუფთაოს და ასე იქცეს რეჟიმის ერთადერთ ალტერნატივად - ვახუშტი მენაბდე
- მინდა ვკითხო არალეგიტიმურ ხელისუფლებას, ევროკავშირი დაიწყებს მსჯელობას, როგორ შესრულდა პირობები, რა გაკეთდა, რა გაქვთ სთქმელი? - სალომე სამადაშვილი
საზოგადოება
- „თეგეტა მოტორსი“ გარემოსთვის - დაბა ბაკურიანი საავტომობილო ნარჩენებისგან გაწმენდილია
- PSP ახალი კონცეფციის აფთიაქი ბათუმში გაიხსნა
- „თეგეტა მოტორსის“ ფილიალებში ზეთისა და აკუმულატორის შეცვლა 20 წუთშია შესაძლებელი
- ფრინველთა ხმებით სავსე სიმშვიდე - „საირმეს რეკრეაციული ფერმა“ ლევან ქობალიას ფოტოობიექტივში
სამართალი
- პოლიციამ თბილისში ნარკოდანაშაულის ბრალდებით უცხო ქვეყნის 2 მოქალაქე დააკავა - ამოღებულია განსაკუთრებით დიდი ოდენობით ნარკოტიკი
- კახეთში განზრახ მკვლელობის ფაქტზე ერთი პირი დააკავეს
- ანდრო ჭიჭინაძის და კიდევ 10 პირის საქმის მთავარი გამომძიებლის განცხადებით, ბრალდებულების პირდაპირი კავშირი დანაშაულის ორგანიზატორებთან დადგენილი არ არის
- ხონში მიტოვებული ჩვილი იპოვეს
მსოფლიო
- უკრაინამ რუსეთის ასტრახანის ოლქში მდებარე პორტში დაბომბა გემი, რომელიც ირანული დრონების ნაწილებითა და საბრძოლო მასალით იყო დატვირთული
- დონალდ ტრამპმა ევროპელ და უკრაინელ ლიდერებს განუცხადა, რომ აშშ მზადაა, გარკვეული პირობებით, უკრაინას უსაფრთხოების გარანტიები მისცეს - Politico
- რუსეთის ქალაქ ვოლგოგრადის ნავთობგადამამუშავებელ ქარხნაზე უკრაინული დრონებით თავდასხმა განხორციელდა
- დონალდ ტრამპი ვლადიმირ პუტინისგან უპირობო ცეცხლის შეწყვეტას მოითხოვს - ჟან-ნოელ ბარო
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- მთელი მატჩის განმავლობაში მასპინძელი გუნდის გულშემატკივართა ნაწილი პროვოცირებდა და შეურაცხყოფას აყენებდა ჯაბა კანკავას, გვჯერა, სადისციპლინო კომიტეტი სამართლიან გადაწყვეტილებას მიიღებს - "დინამო თბილისი"
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება