ფეხბურთის არგენტინელ გულშემატკივრებს მსოფლიო ჩემპიონატზე რუსი ქალების ცდუნების წესებს ასწავლიან

არგენტინაში აგორდა სკანდალი, რომელიც რუსეთში გასამართ ფეხბურთის 2018 წლის მსოფლიო ჩემპიონატის შესახებ ფეხბურთის ეროვნული ფედერაციის მიერ გამოცემულ რჩევების კრებულს ეხება.

კრებული მწვრთნელებს, ფეხბურთელებსა და ჟურნალისტებს შორი სგავრცელდა სათაურით „რუსული ენა და კულტურა“. სკანდალი იმის გამო აგორდა, რომ ამ უწყინარი  სათაურის ქვეშ სინამდვილეში რუსი ქალების  ცდუნების „წესები“ იმალება.

გამოცემის ავტორები რუსი ქალების გაცნობის მსურველ მამაკაცებს ურჩევენ ყურადღება მიაქციონ თავიანთ გარეგნობას, იყვნენ მოწესრიგებულნი, გამოიყენონ ძვირფასი სუნამო და დასაწყისში ბევრი არ ისაუბრონ სექსზე.  ტექსტში ასევე ნათქვამია, რომ  რუს ქალებს უყვართ, როდესაც ინიციატივა მამაკაცებისგან მოდის.

ამის გრდა აღნიშნულია, რომ რუსი ქალები ლამაზები არიან და ბევრი მამაკაცი მათთან ღამის გატარებაზე ოცნებობს.

 „იგივე სურთ რუს ქალებსაც. თუმცა მათ მოსწონთ, როდესაც თავ მნიშვნელოვან და უნიკალურ ადამიანებად აგრძნობინებენ, ამიტომ მათ მოეპყარით ისე, როგორც ადამიანს, რომელსაც პატივს სცემთ“, - ნათქვამია რჩევების კრებულში.

მოგვიანებით არგენტინის ფეცბურთის ფედერაციამ გამოცემის გამო ბოდიში მოიხადა. როგორც ფედერაციის საიტზე გამოქვეყნებულ განცხადებაშია ნათქვამი რუსი გოგონების შეცდენის შესახებ რჩევები კრებულში შეცდომით დაიბეჭდა.