თბილისის ტექნოლოგიურ პარკში თიზ-ის შექმნაზე კომპანია „ჯორჯია თექნოლოჯი პარკ“-ი იზრუნებს

თბილისის ტექნოლოგიურ პარკში თავისუფალი ინდუსტრიული ზონის შექმნაზე კომპანია „ჯორჯია თექნოლოჯი პარკ“-ი იზრუნებს. მთავრობის №549 დადგენილებიდან ირკვევა, რომ თბილისში, 17 ჰა არასასოფლო-სამეურნეო დანიშნულების მიწის ნაკვეთზე (გლდანის რაიონი, სამრეწველო ზონაში ყოფილი „ტარზის“ ტერიტორია) თბილისის ტექნოლოგიური პარკის თიზ-ი ფუნქციონირებას 2015 წლის 30 ნოემბრიდან დაიწყებს და 49 წლის ვადით იმუშავებს.

მთავრობის დადგენილებიდან ირკვევა, რომ თიზ-ის ადმინისტრატორი ვალდებულია, 2016 წლის პირველ თებერვლამდე შეიმუშაოს და საქარ­თველოს ეკონომიკისა და მდგრადი განვითარების სამინისტროს შესათანხ­მებლად წარუდგინოს თავისუფალი ინდუსტრიული ზონის გა­ნა­შენიანების რეგულირების გეგმა.

აღსანიშნავია, რომ თბილისის ტექნოლოგიურ პარკის თავისუფალი ინდუსტრიული ზონა ქვეყნის მასშტაბით, ფოთისა და ქუთაისის თავისუფალი ინდუსტრიული ზონების შემდეგ, რიგით მესამე თიზ-ი იქნება.

აღსანიშნავია, რომ მიმდინარე წლის მაისში მთავრობამ „ჯორჯია თექნოლოჯი პარკს“ პირდაპირი მიყიდვის ფორმით, 1 ლარად, გლდანის რაიონში, სამრეწველო ზონაში, ყოფილი „ტარზის“ ტერიტორიაზე მდებარე 185 000 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული დანგრეული შენობა-ნაგებობები გადასცა. საპრივატიზებო პირობების მიხედვით, ინვესტორი ვალდებული იყო შესაბამისი ხელშეკრულების გაფორმებიდან არა უმეტეს 8 თვის ვადაში, აღნიშნული ტერიტორიის ნაწილზე მონაცემთა დამუშავების ცენტრი შეექმნაა. (მათ შორის, მშენებლობა, აღჭურვა, ექსპლუატაციაში მიღება), რისთვისაც „ჯორჯია თექნოლოჯი პარკმა” 11 მლნ 110 ათასი დოლარის ინვესტიციის განხორციელების პირობა დადო.

აღსანიშნავია, რომ შპს „ჯორჯია თექნოლოჯი პარკის” 100 %-იანი წილის მფლობელი ნიდერლანდებში რეგისტრირებული „ბითფური ჰოლდინგ ბი ვი“-ა.