რუსეთში ქართული ციტრუსის უმეტესი ნაწილი საზღვაო გზით შევა

რუსეთში ქართული ციტრუსის უმეტესი ნაწილი საზღვაო გზით შევა. აჭარის სოფლის მეურნეობის მინისტრის ზაურ ფუტკარაძის ინფორმაციით, მიღწეულია შეთანხმება და ციტრუსის გადაზიდვა რუსეთის ფედერაციის ტერიტორიაზე საზღვაო ტრანსპორტით მოხდება. მინისტრის თქმით, რუსეთის ხელისუფლებასთან მიღწეული შეთანხმებით ბათუმსა და ნოვორასისკს შორის რეგულარული საბორნე გადასასვლელი ამოქმედდა, გერმი ბათუმის პორტში ყოველ სამშაბათს შემოვა, ხოლო ბათუმიდან ნოვორასიისკის მიმართულებით კი ყოველ სამშაბათს გავა.

„ჩვენთვის მთავარ პრობლემად ციტრუსის ტრანსპორტირება მიიჩნეოდა. კი ლარსი გახსნილია და შესაბამისი გზაც არსებობს, მაგრამ მეტეოროლოგიური პირობების გამო ხშირად პროდუქცია დანიშნულ ადგილზე დაგვიანებით ჩადიოდა. საზღვაო ტრანსპორტის საშუალებით კი ციტრუსი რუსეთის პორტში უკვე 16-18 საათში იქნება“, აღნიშნა ზაურ ფუტკარაძემ.

როგორც ირკვევა საბორნე გადაზიდვის შემთხვევაში, დიდი სატრანსპორტო საშუალებით, რომელიც 20-25 ტონა ციტრუსს იტევს, რუსეთამდე ტრანსპორტირების ტარიფი 600 დოლარია. ხოლო ორივე მიმართულებით ანალოგიური სატრანსპორტო საშუალებით პროდუქციის გადაზიდვის საზღვაო ტრანსპორტირების ტარიფი კი 1000 დოლარი.

აღსანიშნავია, რომ წელს აჭარაში 80-90 ტონა ციტრუსის მოსავალს ელოდებია, ხოლო მთელი ქვეყნის მასშტაბით 110 ათასი ტონა ციტრუსის მოსავალია პროგნოზირებული.