სამთავრობო პროგრამის ფარგლებში „აწარმოე საქართველოში“ შპს „ჯეო-ემ-ტექსი“ ახალ საწარმოს გახსნის

სამთავრობო პროგრამის ფარგლებში „აწარმოე საქართველოში“, საქართველოს ეკონომიკისა და მდგრადი განვითარების სამინისტროს სსიპ მეწარმეობის განვითარების სააგენტოს მხარდაჭერითა და ძალისხმევით   შპს „ჯეო-ემ-ტექსი“ ახალ საწარმოს თბილისში გახსნის.

შპს „ჯეო-ემ-ტექსი“ ტანსაცმლის ინდუსტრიაში მოღვაწე კომპანიაა, რომელიც როგორც ქალის, ასევე მამაკაცის საწარმოო ხაზს აერთიანებს და საფეიქრო საწარმოს აშენებასთან ერთად წარმოების გაფართოების მიზნით საკერავი და საქსოვი მანქანების შეძენასა და პროდუქციის ევროპის ბაზარზე რეალიზაციას გეგმავს. რაც ყველაზე მნიშვნელოვანია, შპს „ჯეო-ემ-ტექსი“ საერთო საცხოვრებლისა და პროფ-ტექნიკური სასწავლებლის დაარსებასაც ისახავს მიზნად.

მეწარმეობის განვითარების სააგენტოს მხარდაჭერით განხორცილებული აღნიშნული პროექტის საერთო საინვესტიციო ღირებულება 2 300 000 აშშ დოლარს შეადგენს, სამომავლოდ დასაქმებულ პირთა ოდენობა კი 500 პირს უტოლდება.

შეგახსენებთ, რომ საქართველოს პრემიერ მინისტრის ინიციატივით, 2014 წლის ივნისიდან, საქართველოს ეკონომიკისა და მდგრადი განვითარების და სოფლის მეურნეობის სამინისტროების მიერ ახალი სამთავრობო პროგრამის „აწარმოე საქართველოში“ განხორციელება დაიწყო, რომლის ძირითად დანიშნულებას მეწარმე-სუბიექტების მხარდაჭერის, ახალი საწარმოების შექმნის/არსებული საწარმოს გაფართოების ან გადაიარაღების გზით საქართველოში სამეწარმეო კულტურის განვითარება და საექსპორტო პოტენციალის ზრდა წარმოადგენს.