2016 წლის ბიუჯეტის კანონპროექტის საჯარო განხილვა გაიმართა

საქართველო, თბილისი - 14:43 | 23.10.2015

ნანახია: 1923

საქართველოს ფინანსთა სამინისტროს საბიუჯეტო დეპარტამენტის უფროსმა, ეკატერინე გუნცაძემ 2016 წლის სახელწიფო ბიუჯეტის კანონპროექტის საჯარო დისკუსია გახსნა, რომელიც ინფორმაციის თავისუფლების განვითარების ინსტიტუტის (IDFI) ორგანიზებით, სასტუმრო "თბილისი მარიოტში" გაიმართა.

ფინანსთა სამინისტროს საბიუჯეტო დეპარტამენტის უფროსის თქმით, საბიუჯეტო პროცესის გამჭირვალობის თვალსაზრისით, ამგვარი საჯარო განხილვების ორგანიზება მნიშვნელოვანია, რადგან იგი საშუალებას იძლევა როგორც აღმასრულებელი, ისე საკანონმდებლო ხელისუფლების წარმომადგენლებმა და არასამთავრობო სექტორმა ერთმანეთს გაუზიარონ მოსაზრებები და წინადადებები.

„2016 წლის ბიუჯეტის საჯარო განხილვა სხვადასხვა ფორმატში მიმდინარეობს და ამ კუთხით IDFI-ის ორგანიზებული დღევანდელი დისკუსიაც მნიშვნელოვანია. ფინანსთა სამინისტრო მიესალმება ამგვარ განხილვებს და იმედოვნებს, რომ მსგავსი პროექტები მომავალშიც გაგრძელდება,“ - განაცხადა ეკატერინე გუნცაძემ.

დისკუსიაში ასევე მონაწილეობა მიიღეს პარლამენტის საბიუჯეტო ოფისის, „თავისუფალი დემოკრატების“ წარმომადგენლებმა, მოწვეულმა ექსპერტებმა.